Tədbirdə Bakıxanov bələdiyyəsinin əməkdaşları, qəsəbə sakinləri və Azərbaycan Respublikası Vəkillər Kollegiyasının vəkili Kamandar Hüseynov iştirak edirdilər.

    Sabunçu rayonu Bakıxanov bələdiyyəsinin sədri Ramis Nəsibov tədbir iştirakçılarını salamlayaraq onlara ictimai işlərdə fəal olmaq və bu tədbirin keçirilməsində uğurlar arzu etmişdir.

    Gender məsələləri üzrə şöbə müdiri Səbahət Hünbətova çıxış edərək bildirdi ki , Azərbaycan Respublikasının Prezidenti cənab İlham Əliyev 2007-ci il 18 iyun tarixli Sərəncamı ilə Ümummilli lider Heydər Əliyev tərəfindən 1998-ci il iyunun 18-də ölkəmizdə İnsan Hüquqları Günü kimi təsis edilmişdir.Bu Sərəncamdan irəli gələn vəzifələrdən və insan hüquqlarının təmin olunmasının dövlət siyasətinin  əsas istiqamətlərindən biri kimi müəyyən edildiyi nəzərə alınaraq (OMBUDSMAN) Aparatı tərəfindən 18 may -18 iyun tarixləri “İnsan Hüquqları Aylığı” elan edilmiş və ənənəvi olaraq hər il Respublika ərazisində geniş qeyd olunur. Bu tədbirlərin  keçirilməsi eyni zamanda maarifləndirmə tədbirləri kimi qiymətləndirilir.

   Azərbaycan Respublikası Vəkillər Kollegiyasının vəkili Kamandar Hüseynov öz çıxışında məhkəmə sistemində keçirilən islahatlardan, qanunvericilik və vəkillik sahəsinin inkişafından, aparılan təkminləşdirmə işlərindən söhbət açdı. Kamandar Hüseynov cəmiyyətdə hüquq mədəniyyətinin inkişaf etdirilməsi, dünyaya göz açan məqamdan bu dünyadan köçənə qədər insan hüquqlarının müdafiəsi sahəsində olan nailiyyətlərdən, insan hüquq və vəzifələrindən, hüquqi vətəndaş cəmiyyətinin formalaşdırılması, hüquqi demokratik dövlət quruculuğu sahəsində Respublikamızda aparılan uğurlu siyasət haqqında məlumat verdi.

      Konfrans mövzu ətrafında müzakirələrlə davam etdi və çıxışdan sonra tədbir iştirakçılarının çoxsaylı sualları cavablandırıldı.